Da ich wegen einem übelsten Trainingsrückstand wieder einmal nicht am Sonntäglichen Turnier teilnehmen konnte, übernahm Lester verdankenderweise diese Aufgabe. Hier der aktuelle Matchbericht, für einmal auf Mundart

Au wenn der Samichlaus (alias Reti Peti) und der Schmutzli (alias Luki the Ripper) das Wuchenend ihre grossi Uftritt gha händ, isch au wider Unihockey gspilt worde.

Dermit die beide Nachtüle au pünktlich zur Besammlig am Sunntig am halbi achti ufem Poschtplatz händ chönne erschine, händ si dört grad es Zält ufgstellt.

Ufem Programm sind Bohrmaschine Zeinige und UHC Basel UNITED III gstande.

Das Team am Start:
Tor: Reti-Peti
1. Block Betschi, Strub Roman, Dani
2. Block Kratti, Lester, Luki, Silberruggä
Nicht am Start: alli andere

UHC Sissach – Bohrmaschine Zeinigen
Im 1. Spiel gege Zeinige hets zumne 5:5 Unentschide glängt.
Der UHC isch widermol erscht in der 2. Halbzit richtig in Fahrt cho, nachdem d Bohrmaschine in der Halbzit no 2:3 gfüert händ.
E überraschend gueti Falle het der Samichlaus als Goali gmacht, was jo nid sälbverständlich isch, wenn me bedänkt wie durschtig dass s Wätter geschter widermol gsi isch (Anmerkung vom Ovi: aber isch jo klar, gege’d Bohrmaschine macht euse reti immer e gueti falle, mit und ohni pistole).
Usserdem het der UHC in dem Matsch flissig Strofe gsammlet und der Strub het näbenem Betschi und em Dani als Torkanone überrascht.

UHC Sissach – Basel United III
Bim 2. Matsch gegene UHC Basel hämmer leider vergässe die gegnerische Goal z zellä. Der UHC Sissach het insgesammt 4 gmacht.

Dann noch was Anderes: Angeblich bekommt der UHC im nächsten Jahr wieder einmal Nachwuchs. Gratulation an den werdenden Vater

Du kanns Nachrichten zu diesem Thema über den RSS 2.0 feed abrufen. Du kannst einen Kommentar hinterlassen, oder einen trackback von deinem eigenen Blog setzen.